سيف الاسلام نائب المدير
عدد المساهمات : 1356 تاريخ التسجيل : 04/08/2010 العمر : 47
| موضوع: الشيطان ,, حصريا الخميس أغسطس 19, 2010 9:27 am | |
| كلنا عارفين ان التليفزيون لة طعم تاني في رمضان وطول عمرنا من واحنا صغيرين متعلقين بالتليفزيون في رمضان من ايام بوجي وطمطم والفوازير لحد ما كبرنا وجالنا بكار ولغوا الفوازير وكتروا المسلسلات مع الاعتذار للأخت الفاضلة ميريام فارس علشات اللي بتعملة دة بواسير مش فوازير ,,ولغاية 5 او 6 سنين كدة كنا بنعرف نستغل الشهر الكريم ونقرب من ربنا ونصوم زي ما نبينا (علية الصلاة والسلام) امرنا وبنصلي التراويح وبنعمل خير بزيادة وبنزكي ونحاول نكفر عن البلاوي اللي بنعملها طول السنة وكان رمضان فعلا شهر عبادة ,, وكنا برضة من كبيرنا لصغيرنا بنتلم ونتفرج عالتليفزيون والمسلسلات والبرامج عادي جدا بس كنا بنعمل اللي علينا مع ربنا وكان في حدود ,,انما اللي بيحصل الكام سنة اللي فاتوا دول والسنة دي بالتحديد بجد مايرضيش ربنا لما يبقي في 70 مسلسل و60 برنامج و130 اعلان وشغالين 24 ساعة كان زمان الفرجة تبتدي بعد الفطار لكن ماشاء اللة دلوقتي من بعد الفجر لو مسكت الريموت وفضلت تقلب هتخلص علي يوم الوقفة وتتفاجىء ان الشهر خلص وبكرة العيد وانت ماصمتش ب 2 جنية وبرضة معرفتش تتفرج ولا تتابع اي حاجة من كتر الهطل اللي انت شايفة ,,,,,,,,, بجد احنا لو سلمنا نفسنا للتليفزيون هنجيب لنفسنا (العار) لانة هيكون (شاهد اثبات) ان الشيطان يبقي قاعد معانا طول الشهر في البيت سواء كان البيت دة في (الحارة) او كان (بيت الباشا) والشيطان مابيتوصاش هيروح يجيب (الجماعة) اصحابة بتوع (اهل كايرو) ويعملوا معانا (موعد مع الوحوش) ونفضل نشرب مع بعض الشاي والقهوة سادة طبعا علشلن عندنا (ازمة سكر) ونضرب سجارتين (كليوباترا) ونقعد نغني كلنا (الحاجة زهرة عملت مظاهرة),, ويلهي العيال الصغيرة انها تعرف حاجة عن رمضان يتربوا عليها وتنفعهم لما يكبروا ويفضلوا يلعبوا طول اليوم (القطة العامية) ,, والبنات هتفتنا زيادةمن اللي بتشوفة طبعا وعندهم حق ماهي اي واحدة دلوقتي حجتها انها تقولك اصل انا (عايزة اتجوز) ولو قعدت اكتر من كدة هبقي (امرأة في ورطة) فلازم ادلع نفسي والبس مسخرة بدل ما البس نفسي (قضية) زي (صفية) وتكون اخرتي زي ماما اصل (ماما في القسم) ,,, واحنا الشباب التعبان خلقة كلنا هنتلط من الشيطان اللي عاملي فيها صايع و (فوريجي) واللي عاملي فيها (شيخ العرب) كلة هيتلط وهيضيع علينا الشهر وثوابة (بفعل فاعل) ........ لكن يابخت اللي هيمسك نفسة ويقدر يقفل علي نفسة الباب (بالشمع الاحمر) ويعيش (برة الدنيا) شوية الشهر دة لان الدنيا مجرد (حكايات وبنعيشها) وكلنا متلهيين فيها وناسيين ربنا لكن في رمضان ماينفعشي ننسي ربنا ولازم كلنا نرفع شعار رمضان (اغلي من حياتي) وفي نفس الوقت نتفرج ونستمتع بس بالمعقول وبما يرضي اللة واللي هيعمل فينا كدة بجد ساعتها هيكون هو ( الكبير ) ... ..... وعندي امنية اخيرة علشان عارف اني طولت بس (انا) نفسي اخوض (التجربة) واقابلاي مسئول عن الاعلام واعمل معاة (حوار صريح جدا) واتكلم بلساني مش (بلسان معارضية) وفرصة يكون حوار (بين جيلين) مع اني عارف انة (لقاء مستحيل)واسألة (السوأل الاصعب) ومن غير حذف و (بدون رقابة) ولو هو (مصري اصلي) لازم يرد عليا عدل مش (بالمقلوب) ومايصرحش تصريح (فابريكانو) واقولة انت عارف ان انت المسئول الأول قدام ربنا واكتر واحد هتتحاسب علشان انت اللي دخلت الشيطان حصرياا البيت وخليتة كل يوم يصبح ويمسي علينا (100 مسا) ويقولنا (اسعد اللة اوقاتكم) ولا انت فعلا قاصد انت وحكومتك وباعتينوا يلهينا عنكوا شوية وبتشتغلونا وعايزين تقضوها معانا (حيلهم بينهم من الاخر) وتركبونا (الشيكروباص) و ساعتها مهما رد عليا مش هقولة غير كلمة واحدة بس ,,, ((حمرا )) .....0 المصدر: mostafa elbarbary | |
|
وليد الحلوانى المدير
عدد المساهمات : 2014 تاريخ التسجيل : 29/07/2010
| |
المسلمة المدير المساعد والمشرف العام
عدد المساهمات : 1365 تاريخ التسجيل : 05/08/2010
| موضوع: رد: الشيطان ,, حصريا السبت أغسطس 21, 2010 12:31 pm | |
| | |
|